Engar aðrar breytingar: Kvikan aldrei verið meiri
Setja bókamerki
Veðurstofan hefur ekki hækkað viðbragðsstig vegna stöðunnar í Svartsengi. Ekkert í hennar gögnum gefur ástæðu til þess eins og stendur. Þetta staðfestir Sigríður Magnea Óskarsdóttir, náttúrúvársérfræðingur á Veðurstofu Íslands, í samtali við mbl.is.
Segir hún að hvorki sé aukin jarðskjálftavirkni síðan í morgun né breyting á GPS-mælingum. Slíkar mælingar fylgjast með breytingum á kvikuganginum.
Ef kvika væri að brjóta sér leið út myndu sjást breytingar á bæði fjarlægð og landhæð á milli GPS-stöðva.
Þarf meira en breytingu á þrýstingi borhola
Veðurstofan telur breytingu á þrýstingi borhola ekki vera nægilega ástæðu til að boða til frekari aðgerða. Breyting á jarðskjálftavirkni, sem og meiri aflögun, verði að eiga sér stað til að boðað sé til frekari aðgerða af hálfu stofnunarinnar. Þær breytingar eiga sér ekki stað núna.
Heildarumfang kvikusöfnunar er nú komin í um 17 milljónir rúmmetra og er það meira magn en áður hefur verið við upphaf goss við Sundhnúkagíga.
Spáð slæmu og langvinnu norðanveðri
Halla nái að sannfæra þau sem kusu hana ekki
Halla fyrsti forsetinn af hægri vængnum
Varðskipið Þór kom súrálsskipi til aðstoðar
Kolbeinn sýknaður
Appelsínugul viðvörun í kortunum
Stela íslenskri hönnun