Sjálfstæðismenn mjög sáttir við niðurstöðu borgarráðs
Setja bókamerki
Júlíus Vífill Ingvarsson, borgarfulltrúi Sjálfstæðisflokks, segir að sjálfstæðismenn í borgarstjórn séu mjög sáttir við þá niðurstöðu borgarráðs að samþykkja að hafna samruna Reykjavik Energy Invest og Geysis Green Energy. Stjórnarfundur verður haldinn í Orkuveitu Reykjavíkur á morgun þar sem þessi mál verða rædd.
Júlíus Vífill sagði að þegar þessi mál hefðu fyrst komið upp hefðu sjálfstæðismenn gert þá kröfu, að hlutur Orkuveitu Reykjavíkur í REI yrði seldur strax en þá hefðu þeir talið að samruni fyrirtækjanna tveggja væri orðinn virkur. Síðan hefði ýmislegt komið í ljós, sem sýni annað og því sé þessi niðurstaða sjálfstæðismönnum mjög að skapi og þeir hefðu að sjálfsögðu stutt hana.
Júlíus Vífill situr í stjórn Orkuveitunnar af hálfu Sjálfstæðisflokksins í borgarstjórn.
Námundun og frávik í könnunum
Myndskeið Höllu Hrundar keypt fyrir Orkustofnun
Kveðst engar kvittanir hafa fengið frá Höllu Hrund
Áróður um belti beinst frekar að ferðamönnum
Ekki gert ráð fyrir nýjum þyrlupalli
Börnin sem leitað var að eru fundin
Danir komu Verslingum til bjargar
