Birgir Ármannsson, þingmaður Sjálfstæðisflokksins, sækist eftir öðru til fjórða sæti á í prófkjöri Sjálfstæðisflokksins í Reykjavík sem fram fer nú á laugardaginn.

Birgir hvetur sjálfstæðisfólk í Reykjavík til að nýta sér þetta tækifæri til að velja forystusveit flokksins i höfuðborginni og vonast eftir góðum stuðningi.

„Sjálfstæðisflokkurinn á mörg sóknarfæri í komandi alþingiskosningum. Góður árangur næst hins vegar ekki án fyrirhafnar. Allir þurfa þar að leggja sitt af mörkum, vinna af krafti og vanda sig. Góð þátttaka í prófkjörinu á laugardaginn og öflugir framboðslistar í Reykjavíkurkjördæmunum skipta gríðarlega miklu máli í því sambandi.

Ég hef setið á Alþingi frá árinu 2003 og sinnt þar ýmsum verkefnum. Á kjörtímabilinu sem nú er að líða hef ég einkum sinnt stjórnarskrármálum, utanríkismálum og umhverfis- og samgöngumálum, en áður hef ég líka mikið beitt mér á sviði skattamála, efnahags- og viðskiptamála og lögreglu- og dómsmála, svo nokkuð sé nefnt. Í öllum þessum málaflokkum eru framundan mikilvæg viðfangsefni og hef ég áhuga á að fá tækifæri til að nýta krafta mína og reynslu í því starfi,“ segir Birgir í tilkynningu.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• Blogga um frétt