Þeir sem skoða fréttavef Morgunblaðsins, mbl.is, eru flestir í leit að fréttum, samkvæmt samræmdri vefmælingu Modernus í síðustu viku. Notendur voru samtals 231.256 og hafa aldrei verið fleiri.
Mælingin tekur til vikunnar 2.-8. október. Þegar litið er á umferð um einstaka vefhluta kemur í ljós að rúmlega 190.000 komu fyrst á forsíðu vefjarins og rúmlega 128.000 fóru á aðrar síður hans. Innlit á mbl.is voru 1.766.803 og flettingarnar voru 13.462.159.
Til samanburðar voru notendur á visir.is 214.716. Notendur blogghlutans voru 152.297, notendur forsíðu voru um 77.500 og notendur fréttasíðna voru 50.415. Innlit voru 1.123.851 og flettingar 9.798.951, samkvæmt vefmælingu Modernus.