Gylfi Þór Sigurðsson verður væntanlega ekki með Valsmönnum í kvöld þegar þeir sækja HK heim í Bestu deild karla en liðin mætast í Kórnum klukkan 19.15.
Arnar Grétarsson, þjálfari Vals, sagði við 433.is í dag að Gylfi hefði ekkert getað æft að undanförnu vegna bakmeiðsla en hann lék ekki með liðinu á föstudagskvöldið þegar Valur vann Aftureldingu 3:1 í sextán liða úrslitum bikarkeppninnar.
Gylfi væri líkast til á leið í myndatöku vegna meiðslanna.