Jürgen Klopp verður kynntur sem nýr knattspyrnustjóri Liverpool á morgun en þetta herma heimildir BBC.
Brendan Rodgers var sagt upp störfum hjá Liverpool á dögunum eftir brösuglega byrjun á tímabilinu en eigendur enska félagsins fóru strax í það að hefja viðræður við eftirmann hans.
Lierpool hefur verið í viðræðum við Klopp undanfarna daga en svo virðist sem samkomulag sé í höfn og hann komi til með að skrifa undir þriggja ára samning á morgun.
Samkvæmt heimildum BBC verður Klopp kynntur fyrir fjölmiðlum á morgun en hann þjálfaði síðast Borussia Dortmund í Þýskalandi.