Enski knattspyrnumaðurinn Danny Welbeck fær ekki refsingu fyrir leikaraskap sinn í 3:1-sigri Arsenal á AC Milan í Evrópudeildinni síðastliðinn fimmtudag. Welbeck fór mjög auðveldlega niður innan teigs í fyrri hálfleiknum og fékk vítaspyrnu sem hann skoraði sjálfur úr.
Aganefnd knattspyrnusambands Evrópu fór yfir málið og ákvað að refsa Welbeck ekki fyrir tilburði sína. „Dómarinn var maður leiksins í kvöld. Ég mun ekki gleyma þessu,“ sagði Hakan Calhanoglu, leikmaður Milan um atvikið.
Welbeck getur því leikið með Arsenal er það mætir CKSA Moskvu snemma í næsta mánuði.