Stuðningsmaður Tottenham sem kastaði bananahýði í átt að Pierre-Emerick Aubameyang á leik Arsenal og Tottenham í ensku úrvalsdeildinni í knattspyrnu á dögunum hefur fengið sinn dóm.
Stuðningsmanninum hefur verið meinaður aðgangur að leikjum Tottenham næstu fjögur árin og hann þarf að greiða 500 pund í sekt en sú upphæð jafngildir 77.500 krónum.
Hann kastaði bananahýðinu í áttina að Aubameyang eftir að hann kom Arsenal í 1:0 með marki úr vítaspyrnu en Arsenal hafði betur í grannaslagnum 4:2.