Knattspyrnumaðurinn ungi Kaide Gordon hefur skrifað undir nýjan langtímasamning við Liverpool.
Gordon, sem er 19 ára gamall, er uppalinn hjá Liverpool en hefur misst mestmegnis af síðustu tveimur tímabilum vegna meiðsla.
Hann greindist þá með stoðkerfisvandamál í mjaðmagrindinni, vandamál sem steðjar að ungmennum og má lýsa sem eins konar vaxtarverkjum.
Lék hann lítið með Liverpool-liðinu á þessu tímabili en ljóst er að hann fái stærra hlutverk á komandi tímabilum.