Ari Freyr Skúlason lék allan leikinn sem vinstri bakvörður þegar Lokeren gerði 1:1-jafntefli gegn Charleroi í 11. umferð belgísku A-deildarinnar í knattspyrnu karla í dag.
Lokeren er taplaust í síðustu þremur deildarleikjum sínum, en liðið hefur gert tvö jafntefli og borið sigur úr býtum í einum í leikjunum þremur.
Lokeren siglir enn lygnan sjó um miðja deild, en liðið hefur 12 stig og situr í tíunda sæti deildarinnar.
Lokeren er fimm stigum frá sjötta sæti sem er neðsta sætið sem veitir þátttökurétt í úrslitakeppni um belgíska meistaratitilinn og sjö stigum frá fallsæti.