Spænskir fjölmiðlar greina frá því að spænski landsliðsmaðurinn Andrés Iniesta, sem lauk 16 ára ferli sínum með Barcelona um síðustu helgi, muni ganga í raðir japanska liðsins Vissel Kobe.
Iniesta hélt áleiðis til Japan í dag og er búist við því að hann verði kynntur til leiks sem nýr leikmaður Vissel Kobe á morgun.
Með liði Vissel Kobe leikur Lukas Podolski fyrrum landsliðsmaður Þjóðverja sem gekk í raðir félagsins í fyrra og á árum áður spilaði Daninn Michael Laudrup með félaginu.