Gimnasia La Plata er að rétta úr kútnum undir stjórn Diego Armando Maradona í efstu deild argentísku knattspyrnunnar.
Liðið hefur unnið þrjá af síðustu fimm leikjum sínum í deildinni og alla á útivelli. Maradona tók við liðinu í september. Liðið er nú með 10 stig í 22. sæti eða þriðja neðsta í deildinni.
Gimnasia vann Aldosivi 3:0 á útivelli í gær og gamla kempan steig lipur dansspor í búningsklefanum að leiknum loknum eins og sjá má í meðfylgjandi myndskeiði.
Diego Maradona wins. Diego Maradona dances 🕺 pic.twitter.com/Fx25GdKF4N
— ESPN FC (@ESPNFC) November 11, 2019