Knattspyrnumaðurinn Jón Guðni Fjóluson er kominn til starfa á nýjum vinnustað í Rússlandi en Krasnodar keypti hann á dögunum frá Norrköping í Svíþjóð. Jón mun því leika í efstu deild í Rússlandi eins og fjórir aðrir Íslendingar en hann gerði þriggja ára samning.
„Mín fyrstu kynni af Rússunum hafa verið mjög góð. Hjá félaginu er allt eins og best verður á kosið. Sama hvert litið er. Hjá svona liði er auðvitað mikil samkeppni og undir mér komið hvernig framtíðin verður. Hér eru mjög góðir leikmenn í öllum stöðum og kostur fyrir mann sem leikmann að æfa í þeim gæðaflokki alla daga,“ sagði Jón þegar Morgunblaðið náði tali af honum í gær.
Nánar má lesa um vistaskipti Jóns Guðna í íþróttablaði Morgunblaðsins