Schauffele efstur - handtakan sló Scheffler ekki út af laginu

Bandaríkjamaðurinn Xander Schauffele er áfram efstur eftir tvo fyrstu hringina á PGA-meistaramótinu í golfi sem nú stendur yfir á Valhalla-vellinum í Kentucky í Bandaríkjunum.

Schauffele, sem setti vallarmet á fyrsta hringnum þegar hann lék á 62 höggum, átti aðeins hefðbundari hring í dag en lék hann á 68 höggum. Hann er því samtals á tólf höggum undir pari vallarins.

Forysta Schauffele er dottin niður í eitt högg því Collin Morikawa er annar á 11 undir pari eftir að hafa leikið á 65 í dag og 66 í gær.

Þriðji Bandaríkjamaðurinn við toppinn er Sahith Theegala sem er á 10 höggum undir pari en á eftir síðustu þrjár holurnar á öðrum hring.

Frétt af mbl.is

Fremsti kylfingur heims handtekinn

Scottie Scheffler, landi þeirra og efsti maður heimslistans, lét ekki handtöku í dag slá sig út af laginu. Hann lék á 66 höggum í dag, fimm undir pari, og deilir fjórða sætinu með þremur öðrum á samtals níu höggum undir pari.

Scheffler var handtekinn fyrir að sinna ekki viðvörunum lögreglu og reyna að keyra framhjá slysstað þar sem hjólreiðamaður lést rétt hjá vellinum.

• Blogga um frétt