Logi Geirsson, landsliðsmaður í handknattleik, verður kynntur til sögunnar á morgun sem nýr liðsmaður FH-inga fyrir næsta keppnistímabil en FH-ingar hafa boðað til blaðamannafundar klukkan 13.00 á morgun.
Fullyrt var á Vísi í kvöld að Logi hefði þegar skrifað undir tveggja ára samning við FH. Ekki hefur náðst í hann eða formann handknattleiksdeildar FH til að fá það staðfest.
Logi er uppalinn FH-ingur en hefur leikið með Lemgo undanfarin ár. Ljóst varð fyrir nokkru að þetta yrði hans síðasta tímabil með þýska félaginu.