Sigurður Gunnar Þorsteinsson og samherjar í Solna unnu Jämtland, 100:88, á útivelli í sænsku úrvalsdeildinni í körfuknattleik í kvöld. Í annars jöfnum leik þá voru Sigurður og félagar sterkari í fyrsta og þriðja leikhluta og þá því forskoti sem nægði þeim til þess að vinna.
Sigurður Gunnar lék í nærri 17 mínútur og skoraði átta stig. Einnig náði hann níu fráköstum og átti tvær stoðsendingar.
Solna hefur sótt í sig veðrið eftir að hafa átt erfitt uppdráttar í upphafi leiktíðar. Liðið er í sjöunda sæti með fimm sigra eftir 12 leiki.