Körfuknattleiksdeild Hauka hefur ákveðið að senda erlendu leikmenn sína heim í ljósi aðstæðna, bæði hjá karla og kvennaliðum félagsins. Þetta staðfesti félagið við karfan.is í dag.
Karlalið Hauka hefur alfarið sagt upp samningi sínum við Bandaríkjamanninn Shane Osayande. Bakvörðurinn Hansel Atencia er á leiðinni í landsliðsverkefni með Kólumbíu og gæti átt afturkvæmt á Ásvelli í janúar, eða þegar leikar hefjast á ný.
Það sama á við um Alyesha Lovett í kvennaliði Hauka, hún er farin frá félaginu þangað til keppni getur hafist á ný.