Landsliðsmaðurinn Martin Hermannsson og liðsfélagar hans í Alba Berlín máttu þola stórt tap fyrir Fenerbahce, 103:68, í Euroleague karla í körfubolta í kvöld.
Þrátt fyrir tapið átti Martin góðan leik fyrir Berlínarliðið og var næststigahæstur með 12 stig. Gaf hann einnig tvær stoðsendingar.
Alba Berlin er í neðsta sæti Euroleague, bestu deildar Evrópu, með fimm sigra og 27 töp.