Finnur Ingólfsson kaupir Frumherja
Setja bókamerki
Eignarhaldsfélag í eigu Finns Ingólfssonar og fleiri fjárfesta hefur keypt allt hlutafé í fyrirtækjunum Frumherja hf. og Frumorku ehf. en seljandi er Óskar Eyjólfsson. Ný stjórn fyrirtækjanna hefur verið skipuð og er Jafet S. Ólafsson, stjórnarformaður.
Fram kemur í tilkynningu frá Glitni, að fyrirtækjaráðgjöf bankans hafi verið ráðgjafi seljanda en Óskar Eyjólfsson hefur átt Frumherja frá árinu 2003. Fram að því að félagið skráð í Kauphöll Íslands.
Eftir áreiðanleikakönnun kynnti Glitnir Frumherja og Frumorku fyrir fjórum áhugasömum kaupendum. Þrjú tilboð bárust og voru tveir aðilar valdir til að halda áfram.
Frumherji rekur m.a. bifreiðaskoðun og skoðun skipa og rafmagns. Þá sér fyrirtækið um öll ökupróf á landinu og sinnir notkunarmælingum á raforku, heitu vatni og köldu vatni fyrir orkuveitur. Alls starfa um 100 manns hjá félaginu.
Finnur Ingólfsson hefur verið formaður stjórnar Icelandair Group undanfarið ár. Hann var áður forstjóri VÍS, bankastjóri Seðlabankans og iðnðar- og viðskiptaráðherra.
Handteknir eftir myndatöku í Vesturbæjarlaug
Sex hafa greinst með listeríu
Kostnaður meiri en milljón á fermetra
Krefjast stöðvunar framkvæmda
Nemendur í HÍ reistu tjaldbúðir án leyfis
Tveir í bílnum sem lenti utan vegar
Hvorki sést áður hér á landi né annars staðar
Skiptir miklu meira máli en fólk grunar