Lögregla í Frakklandi hefur handtekið verðbréfamiðlara og er að yfirheyra hann vegna 751 milljónar evra taps, sem franski bankinn Caisse d'Epargne varð fyrir í flóknum afleiðuviðskiptum. Æðstu stjórnendur bankans sögðu af sér vegna málsins.
Í stuttu máli veðjaði bankinn á að hlutabréf myndu hækka í verði í heiminum en niðurstaðan varð hrun á hlutabréfamörkuðum um allan heim.
Franski bankinn Société Générale tapaði 4,9 milljörðum evra fyrr á þessu ári vegna viðskipta miðlarans Jerome Kerviel.