Bjartsýni finnskra neytenda hefur ekki verið jafn mikil í sextán ár, samkvæmt nýrri könnun sem Hagstofa Finnlands hefur birt. Mældist vísitalan 23 stig í september en var 21,9 stig í ágúst og 11,7 stig í september í fyrra. Hefur trú almennings á efnahag landsins ekki verið meiri síðan árið 1994.
56% þeirra sem tóku þátt töldu að efnahagur Finnlands myndi batna enn frekar á næstu tólf mánuðum á meðan einungis 8% töldu hann eiga eftir að versna.
Hins vegar er staðan ekki jafn góð þegar kemur að vísitölu framleiðslu en trú almennings á hag framleiðslufyrirtækja er minni en í meðalári.