Boeing fær málmblendi frá Alcoa

Alcoa hefur undirritað langtímasamning við bandaríska flugvélaframleiðandann Boeing um framleiðslu á margvíslegum íhlutum og álplötum í flugvélar Boeing og er samningurinn metinn á um einn milljarð Bandaríkjadala.

Samningurinn er sá stærsti sem fyrirtækin hafa gert til þessa og felur hann einnig í sér umtalsvert samstarf um þróun á nýju, háþróuðu og léttara málmblendi í flugvélar Boeing.
 
Klaus Kleinfeld, forstjóri og stjórnarformaður Alcoa, segir að samningurinn feli í sér söguleg tímamót: „Samstarf Alcoa og Boeing er nú tryggt næstu 35 árin og við munum halda áfram samstarfi um þróun á nýju og framúrskarandi tæknilausnum fyrir flugvélaiðnaðinn,“ sagði Kleinfeld þegar samningurinn var tilkynntur, og bætti við að hann væri afar stoltur af þeim árangri sem samstarf fyrirtækjanna tveggja hefði áorkað undanfarna áratugi.
 
Margvísleg virðisaukandi framleiðsla Alcoa fyrir flugvélaiðnaðinn, svo sem á mismunandi íhlutum og plötum er í fararbroddi á heimsvísu og skilaði Alcoa um fjórum milljörðum dala í tekjur á síðasta ári.

• 1 blogg um fréttina

Bloggað um fréttina

• Haraldur Haraldsson: Boeing fær málmblendi frá Alcoa/þetta hafi ég alltaf sagt,og við …