Bankamenn og aðrir sem eiga aðild að Samtökum starfsmanna fjármálafyrirtækja (SSF) fá talsverðar kjarabætur samkvæmt samkomulagi sem gert var í gær.
Launahækkun sem átti að vera 5,5% þann 1. maí síðastliðinn verður 6,2% og gildir þá afturvirkt frá síðustu ármótum, að því er fram kemur í umfjöllun um kjarabætur þessar í Morgunblaðinu í dag.
Frá 1. maí á næsta ári hækka laun og kauptaxtar um 5,0% í stað 3,75% og í maíbyrjun 2018 hækka launin um 5,0% í stað 2,5% eins og áður var um samið.