Hlutabréf í Icelandair Group lækkuðu um heil 7,74% í Kauphöllinni í dag en félagið gaf út ársfjórðungsuppgjör eftir lokun markaða í gær. Meðal áhyggjuefna er launakostnaðurinn sem hækkaði um 39% milli ára.
Viðskipti með bréf Icelandair Group námu 882 milljónum. Marel hækkaði um 1,5% í 782 milljóna króna viðskiptum og Hagar hækkuðu um 1,41% í 1,582 milljón króna viðskiptum.
Aðrar breytingar voru innan við 1%. Öll önnur félög hækkuðu, nema VÍS sem lækkaði um 0,68% í 21 milljón króna viðskiptum og TM sem stóð í stað.