PepsiCo er að kaupa ísraelska fyrirtækið SodaStream á 3,2 milljarða Bandaríkjadala og eru kaupin liður í sókn drykkjar- og snakkframleiðandans inn á heimilismarkað. SodaStream framleiðir samnefnd tæki sem breyta vatni í kolsýrt vatn, sódavatn.
PepsiCo greiðir sem svarar 144 Bandaríkjadölum á hlut fyrir útistandandi hlutabréf í SodaStream en það er 32% meira en meðalverð fyrir hlutabréf félagsins á markaði síðasta mánuð. Hluthafar fá greitt reiðufé fyrir hlut sinn.