Fagna því að ólöglegri starfsemi sé hætt

Neytendasamtökin fagna því að smálánafyrirtæki hætti nú „loksins ólöglegri starfsemi“. Þetta kemur fram í fréttatilkynningu frá samtökunum, en smá­lána­fyr­ir­tækið eComm­erce 2020 Aps sem er í eigu Kredia Group að tilkynnti í dag um nýtt skammtímalán á 53,7%vöxtum.

Frétt af mbl.is

Bjóða ný lán á 53,7% vöxtum

 „Smálánafyrirtækin sem hingað til hafa veitt lán með ólöglega háum vöxtum tilkynntu í dag að þau muni lækka vexti sína niður fyrir löglegt hámark árlegrar hlutfallstölu kostnaðar sem er 50% auk meginvaxta Seðlabanka Íslands sem nú er 3,75%,“ segir í tilkynningu Neytendasamtakanna.

Samtökin hafi lengi barist fyrir því að böndum verði komið á ólöglega vexti og þau telji yfirlýsinguna jafngilda því „að fyrirtækin viðurkenni að fyrri vextir hafi verið ólöglegir.

Neytendasamtökin hvetja alla sem hafa tekið lán með ólöglegum vöxtum að krefjast endurútreiknings lána sinna og eftir tilfellum endurgreiðslu og veita leiðbeiningar um það ferli á vef sínum.

• Blogga um frétt