Breska flugfélagið EasyJet mun segja upp 4.500 starfsmönnum eða 30% af starfsfólki félagsins vegna minnkandi eftirspurnar af völdum kórónuveirunnar.
Í tilkynningu frá flugfélaginu kemur fram að EasyJet muni fljótlega hefja aðgerðir sem miða að því að fækka starfsfólki um 30%. Uppsagnirnar eru liður í að laga rekstur félagsins að aðstæðum í dag þar sem stór hluti áætlunarflugs liggur niðri.
Talsmaður félagsins segir að uppsagnirnar snerti 4.500 af 15 þúsund starfsmönnum félagsins.