Rapyd fær samþykki fyrir kaupum á Valitor

Fjármálaeftirlit Seðlabankans hefur samþykkt kaup ísraelska fjármálafyrirtækisins Rapyd á íslenska greiðslumiðlunarfyrirtækinu Valitor.

Þetta kemur fram í tilkynningu frá Arion banka til Kauphallarinnar, en Arion er nú eigandi Valitor. Samkeppniseftirlitið hafði heimilað kaupin fyrir sitt leyti undir lok maí sl.

Frétt af mbl.is

Heimiluðu samruna Rapyd og Valitor

Allir fyrirvarar hafa því verið uppfylltir í samkomulagi Arion og Rypyd um kaup á Valitor, en upphaflega var tilkynnt um söluna 1. júlí í fyrra. Gengið verður frá kaupunum á næstu vikum, en áætlaður hagnaður Arion af sölunni er um 5,5 milljarðar króna.

Frétt af mbl.is

Undirbýr rannsókn á sölu Valitors

• Blogga um frétt