Erlend netverslun nam 2,25 milljörðum króna í febrúar síðastliðnum. Jókst hún um 22,7% á milli ára, eða tæplega fjórðung.
Þá jókst fataverslun um 15%, auk þess sem 23% aukning varð í verslunum með heimilisbúnað.
Þetta kemur fram í tilkynningu frá Rannsóknarsetri verslunarinnar.
Rannsóknasetur verslunarinnar hefur tekið saman gögn um erlenda netverslun frá því í janúar árið 2022. Gögnin sýna umfang einstaklinga á Íslandi í erlendri netverslun og berast gögnin mánaðarlega frá Tollinum og sýna tollafgreidda verslun.