Markþjálfinn Edda Jónsdóttir, sem rekur fyrirtækið Edda Coaching, er búin að greina átta peningaerkitýpur sem eru um það bil að fara að halda jól. Hvernig heldur „rómantíkerinn“ upp á jólin og hvað fer alveg með „nærandann“ um áramótin? Nærandinn á það til að fara yfir strikið fyrir jólin. Safnarinn færir okkur jólasjóðinn og er líklega búinn að safna fyrir jólunum í september ...
Edda hefur hlotið fjölda viðurkenninga fyrir störf sín í fjölmiðlum. Hún stjórnaði þáttum um alþjóðamál og mannréttindi um árabil á Rás eitt og vann þar að auki sem ritstjóri í lausamennsku. Hún hefur skrifað fjölmargar greinar, bókakafla og ritgerðir sem hafa birst á prenti bæði á Íslandi og erlendis.
Edda byggir einnig á reynslu sinni af verkefnastjórnun þar sem hún fór með samskipti við fjölmiðla og stýrði stórum herferðum. Hún hefur þar að auki unnið kynningaráætlanir fyrir erlendar stofnanir og alþjóðleg félagasamtök.
Edda er með háskólapróf í fjölmiðlafræði, ítölsku og mannréttindafræðum og alþjóðlega gráðu í markþjálfun. Edda hefur einnig setið fjölda námskeiða og hlotið ýmsa þjálfun.