Þórdís Kjartansdóttir lýtalæknir á Dea Medica svarar spurningum lesenda Smartlands Mörtu Maríu. Hér fær hún spurningu frá konu varðandi brjóstaminnkun.
Getur kona misst tilfinninguna í geirvörtunum við brjóstaminnkun?
Sæl og takk fyrir spurninguna.
Já, kona getur misst tilfinninguna í geirvörtunum við brjóstaminnkun en það er sjaldgæft. Kona með mjög stór og sigin brjóst þar sem fjarlægðin á milli viðbeins og geirvörtu er mjög mikil (>30cm) er líklegri til að missa tilfinninguna. Þetta er sem betur fer sjaldgæft og fer eftir tegund skurðaðgerðar sem notuð er við brjóstaminnkunina. Þegar brjóstalyfting er framkvæmd og lítið af kirtilvef fjarlægður þá er þetta mjög sjaldgæft.
Með góðri kveðju
Þórdís Kjartansdóttir, lýtalæknir.