Við Laugarásveg stendur afar sjarmerandi íbúð sem gerð var upp nýlega. Í eldhúsinu er hvít sprautulökkuð innrétting og er hvít borðplata ofan á. Á gólfunum er parket með fiskibeinamunstri sem gerir mikið fyrir heildarmynd íbúðarinnar. 

Húsráðendur léku sér með svarta litinn án þess að hann yrði of áberandi eða í of miklu magni. Svartir barstólar setja svip sinn á eldhúsið og svo eru gereft máluð svört. Á baðherbergjunum eru svartar línur sem skilja að flísar og vegg - sem kemur fantavel út. 

HÉR er hægt að skoða íbúðina nánar.