Við Túngötu 34 í Reykjavík stendur eitt fallegasta hús miðborgarinnar. Húsið, sem er eiginlega eins og höll, var teiknað af Guðjóni Samúelssyni. Húsið var byggt 1926 og er 303 fm að stærð. Árið 2009 var það endurnýjað mikið, skipt var um gólfefni og eldhús svo dæmi sé tekið. Þegar húsið var endurnýjað var þess vel gætt að það gamla, sem gefur húsinu sjarma, fengi að halda sér. Í forstofunni eru til dæmis svartar og hvítar flísar og litað gler í glugganum sem hefur alla tíð verið þannig.

Eldhúsið er heillandi en þar var sett eikarinnrétting sem er frekar gróf og þar eru líka litríkar flísar á veggjunum sem gefa eldhúsinu heillandi yfirbragð.

Fasteignamat hússins er 92.950.000 kr.

HÉR og HÉR er hægt að skoða það nánar.