Íburðurinn fer yfir öll mörk - MYNDIR

Þeir sem hafa heimsótt Las Vegas í Nevada-ríki í Bandaríkjunum vita að þar er allt stærra og rosalegra en annars staðar í heiminum. Það ætti því ekki að koma á óvart að heimili fólks séu í svipuðum anda.

Í þessu einbýli sem hannað var af assembladeSTUDIO má sjá hvernig má vinna með stórkostlegan efnivið, form og hugvit þannig að íburðurinn fari yfir öll mörk. 

Granít hittir hnotu og gegnheilan stein og er hugsað út í hvert smáatriði. Í húsinu er ekki bara risastórt eldhús heldur ævintýraleg baðherbergi og útsýni yfir eyðimörkina eins og hún gerist best.

Í húsinu er svo hátt til lofts og vítt til veggja að það væri hægt að halda þarna fermingarveislur dag eftir dag án þess að það myndi þrengja að neinum og svo er sundlaug. Sem er alveg nauðsynlegt á þessum stað í heiminum því í Nevada getur orðið mjög heitt og þá er nú gott að geta tekið eins og einn góðan sundsprett.