Lesendur Smartlands Mörtu Maríu elska ódýrar og sniðugar lausnir sem fegra heimilið eða vinnustaðinn.

Hér breyttist allt þegar gráa litnum var klínt á alla veggi og svo var aðeins tekið til í leiðinni. Það kostar jú ekkert að skipuleggja upp á nýtt og raða gömlu hlutunum upp á annan hátt. 

Fyrstu fjórar myndirnar sýna hvernig vinnustofan leit út eftir að tekið var til og allt málað í sama gráa litnum. Síðustu ár hefur það þótt töluvert móðins að mála einn gráan vegg en nú kveður við annan tón því nú eiga allir veggir að vera í sama lit - eða svo gott sem. Á þessari vinnustofu er einnig búið dekkja gólfið og um leið og veggirnir voru málaðir var tekið til og aðeins reynt að gera huggulegra.

Takið eftir að gamlir innbyggðir skápar voru ekki lakkaðir með sérstöku lakki heldur voru þeir málaðir í sama lit og veggirnir. Það kemur á óvart hvað þetta kemur vel út.