Fasteignamat húss Steingríms Wernerssonar sem stendur við Árland 1 í Fossvogi eru 195 milljónir króna. Brunabótamat hússins eru rúmlega 169 milljónir króna sem gefur til kynna að húsið sé eitt af dýrustu einbýlishúsum Íslands.
Árland 1 var byggt 2007 og var ekkert til sparað til að gera húsið sem glæsilegast. Húsið er 584 fm að stærð með heitum potti í garðinum, tveimur innisundlaugum og þar af einni öldulaug. Auk þess er sérstakt „panic-room“ í húsinu þar sem hægt er að dvelja ef íbúi hússins verður fyrir árás.
Húsið stendur á skjólgóðum stað í Fossvogi og er húsið byggt í U sem gerir það að verkum að í skotinu hjá U-inu verður afar hlýtt á góðviðrisdögum.
Steingrímur keypti hús við Árland 1 árið 2005 og var það rifið. Þegar þetta hús var reist gerði Steingrímur afar miklar kröfur. Sjálfur er hann og eiginkona hans með lögheimili í Bretlandi en hann er engu að síður skráður eigandi hússins.
Systir hans, Ingunn Wernersdóttir, bjó einnig í Fossvoginum eða í næstu götu við Steingrím bróður sinn, við Bjarmaland 7. Hún seldi húsið 2014 og flutti að Huldubraut í Kópavogi. Þriðja systkinið, Karl Wernersson, býr á Arnarnesi eða í Blikanesi 9. Í húsi sem skráð er á einkahlutafélagið Faxar.
HÉR er hægt að skoða Árland 1 nánar.