Kristín Johansen selur Strandveginn

Við Strandveg í Garðabæ stendur ákaflega heillandi fjölskylduíbúð sem er meira en smekklega innréttuð. Íbúðin er í eigu Kristínar Johansen og Halldórs Harðarsonar. Kristín rekur verslunina Fló og Fransí með Svövu Johansen systur sinni. 

Íbúðin er 138 fm að stærð og stendur í húsi sem byggt var 2004. Kristín er annáluð smekkkona og er heimilið í þeim anda. Hver hlutur á sinn stað og allt fallegt og fínt. 

Í íbúðinni eru eikarinnréttingar, innihurðir og parket á gólfum. Í íbúðinni er hugsað út í hvert smáatriði. Það sem er heillandi í eldhúsinu er hvernig húsgögnum er raðað upp. Bekkurinn upp við vegginn býr til stemningu og kemur ákaflega vel út. 

HÉR er hægt að skoða íbúðina nánar.