Við Þrymsali í Kópavogi stendur glæsilegt einbýlishús sem byggt var 2009. Húsið er 298 fm á stærð, á tveimur hæðum og í þessum eftirsótta kassastíl sem hefur verið ansi móðins síðasta áratuginn eða svo. 

Húsið er teiknað af Sigurði Hallgrímssyni arkitekt hjá Arkþing. Arkitektastofan hefur hannað mörg falleg mannvirki eins og Hof á Akureyri, Borgarleikhúsið og Seðlabankann svo fátt eitt sé nefnt. Auk þess hefur arkitektastofan hannað fjölda íbúða og einbýlishúsa í betri hverfum borgarinnar. 

Pétur H. Birgisson innanhússarkitekt hannaði húsið að innan. Þar er hvergi til sparað og allt nákvæmlega eins og það á að vera. 

Af fasteignavef mbl.is: Þrymsalir 12