Útvarpsmaðurinn, söngvarinn og grínarinn Sólmundur Hólm hefur sett sína huggulegu íbúð á sölu. Íbúðin er 87 fm og stendur í húsi sem byggt var 1989. Í íbúðinni eru ákaflega snyrtilegar innréttingar og fín gólfefni.
Ekkert óþarfa prjál er að þvælast fyrir Sólmundi og snyrtimennskan í forgrunni.
Sólmundur fann ástina í fyrra þegar hann hnaut um Viktoríu Hermannsdóttur fréttakonu á RÚV. Allir sem fylgjast með þeim á samfélagsmiðlum átta sig á því að þarna eru sálufélagar á ferð.