Guðmundur Kristjánsson, útgerðarmaður í Brimi, festi kaup á húsi Ólafar Pálsdóttur myndhöggvara, Nesvegi 101. Félagið Fiskitangi ehf. er skráð fyrir húsinu en það félag er í eigu Guðmundar. 

Húseignin sjálf er 354 fm að stærð og er fasteignamat hússins rúmlega 92 milljónir. Húsið er afar sérstakt og fallegt en það teiknaði Sigurður Guðmundsson arkitekt og var það byggt 1927. 

Sjálfur er Guðmundur með lögheimili í húsinu á ská við hliðina á, eða Nesvegi 107. Það hús hefur verið reglulega í fréttum því bæði þykir það vera vel heppnað hvað varðar arkitektúr og svo er það býsna stórt fyrir venjulega fjölskyldu eða tæplega 600 fm. Húsið sem oftast er kallað Marbakki stendur við sjávarlóð og er útsýni úr húsinu guðdómlegt svo látlaust orðalag sé notað.