Matur | mbl | 6.7.2014 | 13:00 | Uppfært 8.7.2014 10:08

Tilvalið til að prófa með kaffinu

Eldhússystur

Systurnar Tobba og Stína halda úti matarblogginu Eldhússystur en markmið þeirra er að setja inn eina nýja uppskrift í viku á bloggið. Hér er góð uppskrift frá þeim Eldhússystrum af litlum marsípan- og sítrónusnúðum með glassúr. Sniðugt er að baka snúðana og eiga í frysti fyrir helgina þegar gesti ber að garði.

Þetta þarf í deigið fyrir snúðana:

25 g ferskt ger eða 2,5 tsk þurrger
125 g smjör
5 dl mjólk
½ tsk salt
1,25 dl sykur
2 egg
15 dl hveiti

Aðferð:

Bræðið smjörið í potti, hellið mjólkinni undir og hitið að ca. 37°c.
Myljið ferska gerið út í mjólkina og leysið upp (ef þið notið þurrger, blandið því þá beint út í hveitið).
Bætið salti, sykri og eggi út í vökvann.
Bæti hveiti út í vökvann í nokkrum skömmtum og hnoðið vel.
Geymið örlítið hveiti þangað til deigið er flatt út.
Látið deigið hefa sig í ca. 45 mínútur eða þar til það hefur tvöfaldað sig.

Svo gerið þið fyllingu í snúðana:

300 gr marsípan
150 gr smjör, við stofuhita
Rifinn börkur af einni sítrónu
4 msk sítrónusafi

Fyllingin er búin til með því að rífa niður marsípanið og blandið saman við smjörið, sítrónubörkinn og sítrónusafann.

Svo blandið þið deiginu við fyllinguna á þennan hátt:

Skiptið deiginu í 2 jafna hluta. Fletjið hvorn hluta út fyrir sig í ferhyrningin og smyrjið fyllingunni á. Rúllið deiginu upp og skerið hvora lengju fyrir sig í ca. 18 bita. Setjið snúðana á ofnplötu klædda með bökunarpappír. Látið snúðana hefa sig í ca. 30 mínútur og stillið ofninn á 250°c.

Sláið í sundur eggið, penslið snúðana með egginu og stráið möndluspæni yfir. Bakið í miðjum ofni í 8 – 10 mínútur.

Að lokum er glassúrinn settur ofan á snúðana: