Hérna kemur uppskrift af einstaklega bragðgóðri og spennandi pítsu sem hentar þeim sem eru „vegan“. Botninn er gerður úr meðal annars sætum kartöflum og chia-fræum og er því einstaklega staðgóður. Svo má toppa pítsuna með hvaða áleggi sem hugurinn girnist. Uppskriftin kemur af heimasíðunni Blissful Basil.

Hráefni:

• 5½ bolli afhýddar sætar kartöflur, skornar í teninga
• 1 matskeiðar chia-fræ
• 3 matskeiðar vatn
• 1¼ bolli hafrahveiti
• ¼ bolli möndlumjöl
• 1 matskeið ólívuolía
• 1 matskeiðar eplaedik
• 1 teskeið þurrkuð basilíka (krydd)
• 1 teskeiðar oregano-krydd
• 1¼ teskeiðar hvítlauksduft
• ½ teskeið sjávarsalt
• klípa af chili-kryddi

Aðferð:

• Sjóddu sætu kartöflurnar þar til mjúkar.
• Settu chia-fræin og vatnið í skál, hrærðu með gaffli og láttu standa í um 10 mínútur.
• Forhitaðu ofninn í 200°C.
• Stappaðu soðnu kartöflurnar. Bættu chia-grautnum saman við ásamt haframjölinu, möndlumjölinu, ólívuolíunni, eplaedikinu, basilíkunni, óreganóinu, hvítlauksduftinu, saltinu og chilikryddinu. Hrærðu vel þar til úr verður mjúkt deig.
• Dreifðu deiginu á bökunarpappír eins og um pítsadeig væri að ræða.
• Skelltu deiginu inn í ofn í um 25-35 mínútur eða þar til pítsan verður gyllt.
• Taktu pítsuna út, láttu kólna og fullkomnaðu hana með áleggi að eigin vali (t.d. pítsasósu, vegan-parmesan, tómötum, þistilhjörtum, basilíku). Þá er pítsunni skellt aftur inn í ofn í um fimm mínútur.

Pítsan er bökuð þar til deigið verður gyllt og girnilegt. www.blissfulbasil.com

Tengdar fréttir

Uppskriftir

Ómótstæðilega girnilegur Calzone

• 10 bestu hamborgararnir í tilefni sumardagsins fyrsta
• Sigurkokteilarnir geta orðið sumarsmellirnir í ár
• Af hverju að búa til granóla?
• Bragðmikill og ljúffengur fiskréttur með pestó og bræddum osti

» Fleiri tengdar fréttir

• Blogga um frétt