Ljúffeng lúxuskaka með kakókremi

Það er fátt betra en nýbökuð volg súkkulaðikaka. Hérna kemur uppskrift að ljúffengri lúxusköku með kremi. Kakan slær í gegn hjá fólki á öllum aldri. Uppskriftin kemur af heimasíðunni TheRecipeCritic.com.

Innihald:

• Kaka:
• 1 bolli vatn
• ½ bolli smjör
• ⅓ bolli kakóduft
• 2 egg
• ¾ bolli grísk jógúrt
• ½ bolli eplasósa
• 1 bolli heilhveiti
• 1 bolli hveiti
• 1-1/2 bollar sykur
• 1 teskeið matarsódi
• ½ teskeið salt
• Krem:
• ½ bolli smjör
• ⅓ bolli kakóduft
• 6 matskeiðar mjólk
• 1 teskeið vanilludropar
• 4 bollar flórsykur

Aðferð:

1. Forhitaðu ofninn í 180°C. Blandaðu smjöri, vatni og kakói saman í skál sem má fara í örbylgjuofn. Hitaðu blönduna á vægum hita í um tvær mínútur og hrærðu svo í blöndunni í nokkrar sekúndur. Skelltu blöndunni aftur inn í örbylgju og hitaðu aftur þar til smjörið er alveg bráðið. Settu til hliðar.
2. Blandaðu þá eggjunum, jógúrtinu og eplasósunni saman í aðra skál og hrærðu vel. Settu til hliðar.
3. Í þriðju skálina blandarðu eggjum, sykri, matarsóta og salti saman. Hrærðu. Helltu þá volgu súkkulaðiblöndunni út í og hrærðu vel. Því næst er jógúrtsósunni blandað saman við. Hrærðu.
4. Helltu deiginu í kökuform og bakaðu í um 15-20 mínútur.
5. Kremið: Bræddu smjörið í örbylgjuofni. Bættu kakóinu við smjörið og hrærðu vel. Helltu svo mjólkinni saman við og að lokum flórsykrinum. Þá er kreminu hellt yfir kökuna og hún látin kólna.

Kókó hentar vel í baksturinn. Arnaldur Halldórsson

• Blogga um frétt