„Við erum alveg að keyra á hollustuna „full force“ þessa dagana. Það þýðir hinsvegar ekki að við séum ekki að njóta, því áfram er verið að gæða sér á góðum mat og jú sætindin eru bara í hollari kantinum. Þetta hráfæði-karmellusúkkulaði er hreinn unaður.  Karmellusúkkulaðið er einfalt að gera, meinhollt og hefur nú þegar slegið í gegn,“ segir Berglind Guðmundsdóttir hjúkrunarfræðingur og matarbloggari á gulu, rauður, grænn og salt. 

Karamellusúkkulaði. Ljósmynd/Berglind Guðmundsdóttir

Karmellusúkkulaði

22-25 stórar döðlur, mjúkar og steinlausar
60 ml kókosolía
2 msk möndlusmjör (eða hnetusmjör)
2 tsk vanilludropar
1/4 tsk sjávarsalt
20-50 g kókosmjöl

Svona lítur karamellusúkkulaðið út áður en það er hjúpað. Ljósmynd/Berglind Guðmundsdóttir

Súkkulaðihjúpur

30 g kakó
60 ml kókosolía
2 msk hlynsýróp

1. Setjið döðlurnar, kókosolíu, möndlusmjör, vanilludropa og sjávarsalt í matvinnsluvél og maukið vel saman í um 1-2 mínútur eða þar til karmella hefur myndast.
2. Setjið karmelluna í skál og blandið kókosmjöli saman við. Magn eftir smekk, ætli ég láti ekki ca. 20-30 grömm.
3. Mótið karmelluna í litla bita og látið á smjörpappír. Frystið í um 20 mínútur..
4. Gerið súkkulaðihjúpinn með því að setja kakóduft, kókosolíu og hlynsýróp saman í skál og hræra vel saman.
5. Dýfið því næst karmellubitunum ofaní súkkulaðið og setjið á smjörpappír. Látið í frysti í um 15 mínútur áður en þið gæðið ykkur á þessari dásemd. Geymið bitana í kæli eða frysti.

Tengdar fréttir

Uppskriftir

Lavazza bauð upp á kaffi með blóðbergi

• Ómótstæðilega girnilegur Calzone
• 10 bestu hamborgararnir í tilefni sumardagsins fyrsta
• Sigurkokteilarnir geta orðið sumarsmellirnir í ár
• Af hverju að búa til granóla?

» Fleiri tengdar fréttir

• Blogga um frétt