Höfum við ekki flest gaman að því að fá okkur eins og einn kokteil, eða tvo. Til þess að friða samviskuna er tilvalið að hollustuvæða kokteilinn örlítið.
Agave margarita
3 súraldin (e. lime)
1 lítil appelsína, skorin í fernt
¼ bolli (60 ml.) tequila
1 mtsk. agave-síróp
Ísmolar
Leiðbeiningar:
Skerið súraldinin í fjóra hluta og setjið í krukku eða kokteil-hristara ásamt appelsínubátunum.
Bætið áfenginu, og agave-sírópinu, út í og merjið ávextina saman við.
Setjið ísmola í glas og hellið drykknum yfir, ef þið viljið getið þið síað ávextina frá.
Drekkið og njótið.
Uppskrift er fengin á Mindbodygreen.