Drottningar með hatta

Gleðin var við völd á Café Flóru þegar hattaklæddar konur sýndu sig og sáu aðra á „Ladies high tea“ hjá Marentzu Poulsen.

„Mig hafði lengi dreymt um að skapa svona stemningu hjá okkur og ætlunin er að hafa þetta árlegt héðan í frá. Þarna gafst konum tækifæri til að klæða sig upp á, bera höfuðföt, smakka á litlum, sætum skonsum, kökum og samlokum og auðvitað drekka kampavín. Þau Hrafnkell Már Einarsson og Rakel María Axelsdóttir tóku lagið og hér voru samankomnar rúmlega 50 konur. Ég vildi líka minna fólk á að sumarið er síður en svo búið hér í Grasagarðinum,“ segir Marentza Poulsen, veitingakona á Café Flóru.