Það varð ekki þverfótað fyrir stjörnum í eftirpartíinu þegar kvikmyndin A Most Wanted Man var frumsýnd í New York í gær. Leikstjóri myndarinnar er Anton Corbijn. Mick Jagger mætti í röndóttri skyrtu og virtist bara nokkuð ánægður þrátt fyrir áfallið sem hann varð fyrir í vor þegar unnusta hans, L'Wren Scott, framdi sjálfsvíg.

Sjálfur hefur hann reynt að komast yfir dauða hennar með því að sökkva sér í vinnu. Það var þó ekki að sjá á honum þetta kvöld að neitt hefði komið upp á og naut hann sín með vinum sínum.

House Of Cards-leikkonan Robin Wright mætti í afar huggulegum hvítum topp við buxur og skartaði stuttu hári sem fyrr.