Gleðin var við völd þegar undirrituð hélt útgáfuboð fyrir fyrstu matreiðslubók sína, MMM Matreiðslubók Mörtu Maríu í bókabúð Forlagsins við Fiskislóð. Það er ekki hægt að bjóða í matreiðslubókarpartý nema að bjóða upp á einhverjar veitingar. Fyrir veisluna var undirrituð því sveitt að gera taílenskar kjötbollur úr lambakjöti, heimagert mangóchutney og súkkulaði og karamelluköku sem var fagurlega skreytt með gulldufti. Þessu var svo skolaði niður með kynörvandi rauðrófusafa. Aðaluppistaðan í safanum eru rauðrófur, greipaldin og engifer. Þessi blanda gerir alla alveg ferlega glaða eins og sést á myndunum.