Samstarfsverkefni JÖR og 66°Norður var frumsýnt í gær í verslun 66°Norður í Bankastræti. Eins og sjá má á myndunum var mikill áhugi á verkefninu og lagði fjöldi fólks leið sína í verslunina til að kíkja á afrakstur samstarfsins. Um er að ræða úlpu sem nefnist Jöræfi Parka sem framleidd er í verksmiðjum 66°Norður þar sem engu var til sparað í efnisvali og má segja að klæðskerasniðin smáatriði úlpunnar og tæknilegir eiginleikar hennar sameini sérstöðu JÖR og 66°Norður í eina flík. Einungis er um mjög takmarkað upplag að ræða.