Hrafnhildur Inga Sigurðardóttir opnaði glæsilega sýningu á verkum sínum í Gerðubergi á dögunum. Hún er þekkt fyrir myndir sínar sem lýsa skýjafari, veðurfari og sjólagi. Náttúrubarnið sem býr innra með henni fær að njóta sín í myndunum. Oftar en ekki sækir Hrafnhildur Inga innblástur á heimaslóðir sínar í Fljótshlíðinni þar sem hún horfir eftir endilangri suðurströndinni þar sem skýin hrannast upp.